Belgııadaǵy qazaqstandyqtar sý tasqynynan zardap shekkenderge kómek jınap jatyr

<p>ASTANA. KAZINFORM &ndash; Belgııada turatyn qazaqstandyqtar sý tasqyny saldarynan qıyn jaǵdaıda qalǵan otandastaryna kómek qolyn sozdy. Jerlesterdiń bastamashyl toby &laquo;Qazaqstan halqyna&raquo; jáne &laquo;Biz birgemiz&raquo; qorlarynyń esepshotyna qarajat aýdarýda.&nbsp;</p>

Sonymen qatar, jerlesterimiz Brıýsselde qaıyrymdylyq jármeńkesin ótkizýdi josparlap otyr. Túsken qarajat tabıǵı apattan zardap shekken qazaqstandyqtarǵa jiberiledi.

«Qazaqstanda sý tasqynynan qansha adam zardap shekkenin bilgende qatty ýaıymdadyq. Kóptegen adamdar baspanasynan, malynan aıyryldy. Biz Qazaqstannan jyraqta tursaq ta, júregimizben árqashan birgemiz. 
Sondyqtan men kómegim bolsyn dep «Qazaqstan halqyna» qoryna 500 eýro aýdarýdy jón kórdim. Barlyq zardap shekkenderdiń úılerine tez oralýyn jáne búkil eldiń tezirek saýyǵyp ketýin tileımin», - dedi Brıýssel turǵyny Nazgúl Balmuhanova.

Taǵy bir qazaqstandyq Ardaq Moldanııazovanyń aıtýynsha, jerlesteri zardap shekkenderge kómek jiberý úshin qaıyrymdylyq jármeńkesin uıymdastyrǵysy keletinin aıtty. 

«Batys Qazaqstandaǵy tótenshe jaǵdaı, bolǵan sý tasqyny týraly bilgen boıda árbir qazaqstandyq zardap shekkenderge kómek retinde óz aqshasyn jiberip, kómektesti. Qaıyrymdylyq jármeńkesin uıymdastyryp, barlyq jınalǵan aqshany zardap shekkenderge kómek retinde aýdarǵymyz keledi», - dedi ol.