Belgııada 2 shaqyrym bolatyn aýyzashar dastarhany jaıyldy

<p>ASTANA. KAZINFORM &mdash; Belgııanyń Flamand aımaǵyndaǵy Borgerhaýt qalasynda jeksenbi kúni keshkisin uzyndyǵy keminde 2 shaqyrym bolatyn aýyzashar dastarhany jaıyldy.</p>

Aýyzashar sharasy Tıýrnhaýtsebaan kóshesinde uıymdastyryldy. Oǵan 6 myńǵa jýyq adam jınaldy.

«Bıyl katolıktik Pasha meıramy musylmandardyń qasıetti Ramazan aıynyń ortasyna keledi. Sondyqtan biz aýyzashar úshin budan da kóp adam jınaǵymyz keldi», - dedi Belgııadaǵy ártúrli dıasporalardy biriktiretin FMV uıymynyń ókili Latıfa El Morabıt.

Aýyzasharǵa kelgender Palestınanyń kúrish taǵamdaryn, pasta salaty nemese Marokko sorpasynan dám tatty.

Ótken jyly Borgerhaýtta 1 shaqyrymdyq dastarhan basynda aýyzashar uıymdastyryldy. Aýdan ákimshiliginiń bastamasymen bıyl taǵy bir shaqyrym qosyldy.

Belgııalyq BAQ Katardyń Al Jazeera telekompanııasy Borgerhaýttaǵy «rekordqa» jeke reportaj arnaǵanyn qosty.