Belgııa Gazaǵa áýe arqyly gýmanıtarlyq kómek jetkizedi

<p>ASTANA. KAZINFORM &ndash; Belgııa úkimeti kelesi aptada Gaza sektoryna gýmanıtarlyq kómek jiberý týraly sheshim qabyldady. Bul rette Palestına halqyna jalpy quny 500 myń eýrony quraıtyn júk áskerı ushaqtardan áýeden túsiriledi.&nbsp;</p>

Premer-mınıstr Aleksandr De Kroonyń aıtýynsha, Belgııanyń kómegi jalpy quny 100 myń eýro bolatyn azyq-túlik ónimderi men 400 myń eýroǵa jýyq medıtsınalyq qural-jabdyqtardan turady.
Gýmanıtarlyq kómekti áýe arqyly jiberý sheshimi Gazaǵa shekaralyq ótkelder arqyly júk tasymaldaýdyń qıyndyǵyna baılanysty qabyldandy.

Belgııanyń A400M ushaǵy Iordanııaǵa ushady. Júk bir apta ishinde Gaza sektoryna jetkiziledi. Osy maqsatta ıordanııalyqtarmen áýe operatsııasynyń praktıkalyq jaǵyn talqylaý jáne taldaý úshin elge Qorǵanys mınıstrliginen bir top jiberildi.

Buǵan deıin Frantsııa men Nıderland ta Iordanııamen birge osyndaı operatsııalar júrgizgen.