Belgııa bir ret qoldanylatyn elektrondy temekilerdi satýǵa tyıym salady

<p>ASTANA. KAZINFORM &ndash; Bul &ndash; Eýropalyq Odaq aıasynda tyıym salynǵan birinshi jaǵdaı, dep habarlaıdy<a href="https://www.inform.kz/ru/belgiya-zapreshaet-prodazhu-odnorazovih-elektronnih-sigaret-b48731" target="_blank" rel="noopener"> Kazinform </a>agenttiginiń menshikti tilshisi.</p>

Bir ret qoldanylatyn elektrondy temekilerdi satýǵa tyıym 2025 jyldyń 1 qańtarynan bastap kúshine enedi.

Belgııanyń Densaýlyq saqtaý mınıstri Frank Vandenbrýk bul tyıymdy azamattardyń densaýlyǵy men qorshaǵan ortany qorǵaýǵa alańdaýshylyqpen baılanysty dep túsindirdi. Negizgi sebep – jasóspirimder arasynda tanymaldyǵy jáne olardyń zııandy qaldyqtardyń paıda bolýyna qosqan eleýli úlesi, dep jazady Apnews.com.

Tyıym salýdyń maqsaty – jastar arasyndaǵy nıkotınge táýeldilikti azaıtý.

Densaýlyq saqtaý mınıstri Frank Vandenbrýktyń aıtýynsha, qymbat emes elektrondy temekiler densaýlyqqa qaýip tóndiredi. ­Óıtkeni olar jasóspirimderdiń temeki shegý men nıkotınge táýeldi bolýynyń ońaı jolyna aınalǵan.

- Bir ret qoldanylatyn elektrondy temeki – jańa tutynýshylardy tartýǵa arnalǵan jańa ónim, - dedi ol suhbatynda.

Onyń aıtýynsha, elektrondy temekide nıkotın jıi kezdesedi.

- Nıkotın sizdi nıkotınge táýeldi etedi. Nıkotın densaýlyqqa zııan. Bul fakt, - dep qosty Vandenbrýk.

Temeki bir rettik bolǵandyqtan plastık, batareıalar jáne chıpter qorshaǵan ortaǵa aýyrtpalyq túsiredi.

- Onyń ústine, olar qaýipti hımııalyq qaldyq jasaıdy, - dedi Vandenbrýk.

Qyrǵyzstanda elektrondy temekige tyıym salynǵanyn jazǵan bolatynbyz.