Belgisiz bireýler Dımash Qudaıbergenniń atyn jamylyp, jalǵan aqparat taratýda

NUR-SULTAN. QazAqparat – Belgisiz bir adamdar ánshi Dımash Qudaıbergenniń atyn jamylyp, feık akkaýntpen jalǵan aqparat taratýda.

Olar ánshiniń Instagram jelisindegi fotosýretti paıdalanǵan, dep habarlaıdy QazAqparat tilshisi.

Bul jaıly ánshiniń ákesi Facebook paraqshasynda jazdy. Qanat Aıtbaev alaıaqtardan saqtanýǵa shaqyrady.

«Nazar aýdaryńyzdar! Bul jalǵan paraqsha. Alaıaqtardan saq bolyńyz», - dep jazdy Qanat Aıtbaev.

Ánshiniń ákesi bólisken sýrette belgisiz bireýlerdiń aqshaǵa qatysty jazba qaldyrǵany baıandalǵan.

«Men Dımash Qudaıbergenmin. Men 500 myń AQSh dollaryn taratamyn. «Mahabbat» dep jazǵan alǵashqy 100 adamǵa 5000 dollardan joldaımyn», - dep jazba qaldyrǵan belgisiz adamdar.