Belgili jýrnalıster Nesip Júnisbaev pen Zeıin Álipbek «Aýyl» partııasyna qabyldandy
Aıta ketsek elordadaǵy Ulttyq-akademııalyq kitaphanada «Aýyl» partııasynyń saıası keńesiniń otyrysy ótip jatyr. Otyrys barysynda partııanyń «El amanaty» Jalpyulttyq saýalnamasyn júrgizýi týraly másele qaralýda.
Saıası keńestiń jumysyn «Aýyl» partııasynyń tóraǵasy Álı Bektaev ashyp, bul jobanyń partııa úshin mańyzyn atap ótti.
«El amanaty» jalpyulttyq saýalnama jobasyn búgingi tańda qoǵam aldynda turǵan asa mańyzdy áleýmettik jáne ekonomıkalyq problemalardy anyqtaý maqsatynda usyndyq. Saýalnama barysynda anyqtalǵan barlyq problema partııa úshin halyqtyń amanaty bolady. Onyń qorytyndysy bizdiń aldaǵy jumysymyzdyń baǵdary bolyp, «Aýyl» partııasy baǵdarlamasynyń negizine aınalady. Respondentterden alynǵan jaýaptyń bir de biri nazardan tys qalmaı, bılik organdaryna jetkiziledi», - dedi Álı Bektaev otyrys barysynda.
Sonymen birge otyrys barysynda partııa qataryna jańa azamattar qabyldandy. Atap aıtqanda, belgili jýrnalıster Nesip Júnisbaev pen Zeıin Álipbek, «Іskerlikke demeý» qoǵamdyq qorynyń basshysy Anas Baqqojaev «Aýyl» partııasynyń qataryna ótti.