Belgili nemis ádebıettanýshysy Leonard Koshýt Qazaqstannyń «Dostyq» ordenimen marapattaldy

BERLIN. QazAqparat – Qazaqstannyń Germanııadaǵy Elshisi Dáýren Káripov Abaı shyǵarmashylyǵynyń aýdarmashysy, belgili nemis ádebıettanýshysy Leonard Koshýtqa ІІ dárejeli «Dostyq» ordenin tabystady, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, atalmysh ataq nemis ádebıettanýshysyna Memleket basshysynyń tapsyrmasy boıynsha uly oıshyl, aqyn, qazaq jazba ádebıetiniń negizin qalaýshy Abaı Qunanbaıulynyń 175-jyldyǵyna oraı tapsyrylǵan.

«Joǵary nagradany Elshilik ǵımaratynda saltanatty túrde tabystaý kezinde Elshi L.Koshýtqa Abaı týyndylaryn nemis tildi oqyrmandarǵa tanystyrý arqyly Qazaqstan men Germanııa arasyndaǵy dostyq qarym-qatynasty nyǵaıtýǵa jyldar boıy shyǵarmashylyq úles qosqany úshin alǵys bildirdi»,-delingen habarlamada.

L.Koshýt 1923 jyly 25 shildede dúnıege kelgen. Onyń kásibı qyzmeti orystyń klassıkalyq jáne HH ǵasyrdaǵy Sovet Odaǵynyń ádebı shyǵarmalaryn nemis tiline aýdarýmen baılanysty boldy.

QR-dyń GFR-daǵy Elshiliginiń «Qazaq kitaphanasy» jobasy aıasynda 2007 jyly Gerold Belger men birge L.Koshýt Abaıdyń «Qara sózderin» nemis tiline aýdardy, al 2018 jyly «Zwanzig Gedichte» dep atalatyn nemis tilindegi Abaı óleńderiniń jınaǵyn jarııalady.

Sonymen qatar, L.Koshýt Oljas Súleımenovtiń «Kóshpendiler azımýty» atty poezııa jınaǵyn nemis tiline aýdarǵan.