Belgili ıtalıandyq jazýshy ómirden ozdy

ASTANA. QazAqparat - Italııanyń qazirgi zamanǵy tanymal prozashylarynyń biri Sebastıano Vassallı el soltústiginde ornalasqan Alessandrııa qalasyndaǵy aýrýhanada túnde 73 jasynda ómirden ótti.

Genýı týmasy birneshe jyldar boıy Novara qalasynda turǵan. Artynan aýqymdy ádebı mura qaldyryp, halyqaralyq deńgeıde tanyldy. Ótken jyly Vassallı ádebıet boıynsha Nobel syılyǵyna resmı úmitker bolyp jarııalanǵan, dep habarlady TASS. Vassalı onkologııalyq aýrýdan kóz jumdy. Jazýshy, tarıhshy ózine jurtshylyq nazaryn "Hımera" romanymen (1990, "Strega" ulttyq syılyǵy) aýdardy. Onyń "Álemniń baılyǵy", "Quıryqty juldyzdar túni", "Mark pen Matfeı", "Tasjúrek", "Sheksizdik sany" jáne t.b. povesteri men romandary bar, sońǵy "Men ketip baramyn" týyndysy endi, mine, jazýshy kóz jumǵannan keıin jaryqqa shyǵady. Italıandyq mádenı qaıratkerler jazýshynyń týystary men jaqyndaryna kóńil aıtyp, qaıǵylaryna ortaqtasty.