Belgili geolog jer qoınaýyn barlaý jumystaryn tendersiz ótkizýdi usyndy

Qazaqstan geologtarynyń tuńǵysh sezinde Ulttyq ǵylym akademııasynyń akademıgi Serikbek Dáýkeev jer qoınaýyn barlaý jumystaryn tendersiz ótkizýdi usyndy, dep habarlaıdy QazAqparat tilshisi.

«Qazgeologııa» ulttyq geologııalyq barlaý kompanııasynyń mindetteri áli kúnge deıin aıqyn emes. Mınıstrlikter men komıtetterde sheneýnikter otyr. Olar zań aıasynda isteletin jumystardy pysyqtap, ázirleý kerek. Al ony «Qazgeologııa» oryndaý kerek. Geologııalyq aqparatty jınaý, tsıfrlandyrý, taldaý júrgizý, jer qoınaýyn tekserý jáne geologııalyq zertteý júrgizý úshin memlekettik baǵdarlamalar daıyndaý, onyń ekonomıkalyq negizdemesin pysyqtaý sııaqty sharýanyń bári ulttyq kompanııa isteý kerek», - deıdi ǵalym.

Akademık ulttyq salaǵa jaýapty basshylardy sheshim qabyldaýda batylyraq bolýǵa shaqyrdy.

«Eshqandaı tender ótkizýdiń qajeti joq. Memleket bıýdjeti, memlekettik kompanııa, memlekettik tapsyrma – bas qatyratyn eshteńe joq. Mindetti durys atqarmasa, qosalqy merdiger tartsyn. Sonda «Qazgeologııa» qalypty jumys isteıtin kompanııaǵa aınalady. Árıne ol úshin naqty sheshim kerek. Al basshylar ondaı sheshim qabyldaýǵa qabiletsiz bolsa, ne isteý kerektigin bilmeımin. Maǵan keıingi 20 jylda saladaǵy jumystyń bári geologııany qurdymǵa ketirý úshin jasalǵandaı kórinedi», - dedi akademık.