Belgili abaıtanýshy Tóken Ibragımov ómirden ozdy
Belgili jazýshy, synshy, ádebıet pen óner zertteýshisi Tóken Ibragımovtyń qaıtys bolǵanyn ózi 34 jyl basqarǵan Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń ujymy rastady. Abaıtanýshy 78 jasynda ómirden ozdy.
Tóken Smaıyluly Ibragımov burynǵy Semeı oblysy Aqsýat aýdany «Jańa nesip» kolhozynyń Kezeńshilik degen jerinde 1939 jyly dúnıege kelgen. 1958 jyly Almatydaǵy KAZPI-diń tarıh-fılologııa fakýltetine túsip, ony 1964 jyly aıaqtaǵan. Bolashaq qalamger óziniń eńbek jolyn qarapaıym aýyl jumystarynan bastaǵan.
1996 jyly Tóken Ibragımovqa «Qazaqstannyń eńbek sińirgen qyzmetkeri» ataǵy berilip, 1998 jyly «Qurmet» ordenimen marapattalǵan. Jurtshylyqqa uly Abaı murasy, jalpy qazaq poezııasy, mádenıeti jaıly zertteý eńbekteri arqyly keńinen tanymal qalamger «Óleń órisi» (1979 j.), 1999 jyly «Oımen ońasha» atty poezııasy, «Indıraǵa hat», «Tolqyn tolǵaý» (2001 j.) monografııasynyń, «Saǵynysh», «Qara buzaý», «Sary qus» áńgimeleriniń, «Jaza» operasynyń lıbrettosy t.b. eki júzden astam ádebı-syn, ádebı zertteý, abaıtaný eńbekteriniń avtory.