«Beldeý jáne jol» forýmynda 97,2 mlrd dollarǵa kelisim jasaldy – Qytaı Tóraǵasy

<p>&laquo;Bir beldeý, bir jol&raquo; forýmynda iskerlik konferentsııaǵa qatysýshylar jalpy somasy 97,2 mlrd dollarǵa yntymaqtastyq týraly kelisimge qol qoıdy. Bul týraly Beıjińde ótken joǵary deńgeıdegi &laquo;Beldeý jáne jol&raquo; ІІІ forýmynyń ashylýynda QHR Tóraǵasy Sı Tszınpın málimdedi, dep habarlaıdy&nbsp;<a href="https://www.inform.kz/ru/po-itogam-biznes-foruma-odin-poyas-odin-put-zaklyucheni-soglasheniya-na-972-mlrd-c4e2eb" target="_blank" rel="noopener">Kazinform tilshisi.</a></p>

«Osy forým aıasynda ótken bas dırektorlar konferentsııasynda 97,2 mlrd dollarǵa yntymaqtastyq týraly kelisimder jasaldy», - dep atap ótti Sı Tszınpın.

Atap ótýinshe, Qytaı «jasyl» ınfraqurylym, «jasyl» energetıka jáne «jasyl» kólik syndy salalarda yntymaqtastyqty tereńdetýdi, sondaı-aq «Beldeý jáne jol» bastamasy aıasyndaǵy Halyqaralyq jasyl damý odaǵyna qoldaýdy kúsheıtýdi jalǵastyrady.

17-18 qazan kúnderi Beıjińde «Bir beldeý, bir jol» ІІІІ forýmy ótip jatyr. Oǵan 150-den astam elden 4 myńnan astam delegat qatysýda. Onyń ishinde 20-dan astam memlekettiń basshylary bar.

Shara aıasynda 150-den astam memleket pen 30-dan astam halyqaralyq uıym yntymaqtastyq týraly qujattarǵa qol qoıdy.

Eske salaıyq, Qazaqstan Prezıdentiniń Beıjińge resmı saparynyń ekinshi kúni «Bir beldeý, bir jol» halyqaralyq yntymaqtastyǵynyń III forýmynyń ashylý rásimine qatysýdan bastaldy.

Q.Toqaevtyń Qytaıǵa resmı sapary 17 qazanda bastaldy.