Belarýste artyq tabysqa salynatyn salyq ósti

<p>Belarýs prezıdenti Aleksandr Lýkashenko Salyq kodeksine jáne salyq salý máseleleri boıynsha keıbir zańdarǵa ózgerister engizý týraly zańǵa qol qoıdy. Qujat respýblıkanyń ulttyq quqyqtyq ınternet-portalynda jarııalandy. <a href="Kazinform." target="_blank" rel="noopener">Kazinform</a> bul týraly <a href="https://tass.ru/ekonomika/19654753" target="_blank" rel="noopener">TASS</a> aqparat agenttigine silteme jasap habarlaıdy.&nbsp;</p>

Belarýs parlamentiniń jeltoqsan aıynyń basynda qabyldaǵan zańda artyq tabystyń ulǵaıtylǵan mólsherlemesi engizilgen. Atap ótkende, jyldyq tabysy 200 myń belarýs rýblinen (Belarýs Ulttyq bankiniń aǵymdaǵy baǵamy boıynsha shamamen 5,7 mln. rýbl) asatyn jeke tulǵalar úshin tabys salyǵynyń mólsherlemesi 13%-dan 25%-ǵa deıin, tabysy 500 myń belarýs rýblinen asatyn jeke kásipkerlerdiń tabys salyǵynyń mólsherlemesi 20-dan 30 paıyzǵa ulǵaıtyldy. Salyq bazasy 25 mln belarýs rýblinen asatyn uıymdar úshin tabys salyǵynyń mólsherlemesi 20-dan 25 paıyzǵa deıin ósedi.

Sonymen qatar zań jobasynda eger olar shyǵarylǵanyna úsh jyl ótpese, erekshe jaıly kólikterge qatysty kólik salyǵynyń 10 eselengen mólsherlemesin qoldaný qarastyrylǵan.

Sondaı-aq jeke tulǵalar úshin biryńǵaı múlik tólemi engiziledi. Oǵan jyljymaıtyn múlik salyǵy, jer salyǵy jáne kólik salyǵy kiredi.