Belarýstyń Brest oblysy Qazaqstanmen saýda aınalymyn $100 mln-nan asyrmaq

ASTANA. QazAqparat - Belarýstyń Brest oblysy Qazaqstanmen 2018 jylǵy ózara saýda aınalymyn 100 mln AQSh dollarynan asyrmaq. Bul jaıly búgin Qazaqstannyń Brest qalasyndaǵy konsýly Eldar Qonaevpen kezdesýde Brest oblysy atqarý komıtetiniń tóraǵasy Anatolıı Lıs málim etti, dep habarlaıdy QazAqparat BELTA-ǵa silteme jasap.

«Brest oblysy men Qazaqstan arasyndaǵy taýar aınalymy qarqyn alyp keledi. Byltyr syrtqy saýda kólemi 170%-ke artyp, 85 mln AQSh dollaryn qurady. Bıylǵy kórsetkishter de jaman emes, 2018 jyly kem degende 100 mln AQSh dollaryna jetkizýge tıispiz. Óıtkeni elderimiz arasynda eshqandaı kedergi joq», - dedi Anatolıı Lıs.

Óz kezeginde Eldar Qonaev ta óńiraralyq baılanystardy nyǵaıtýǵa nıetti ekenin bildirip, Brest oblysymen Qazaqstannyń Atyraý, Soltústik Qazaqstan jáne Qaraǵandy oblystary tyǵyz qarym-qatynas jasap kele jatqanyn tilge tıek etti.