Belarýstik ǵaryshker áıel ushýǵa daıyndalyp jatyr
2023 jyldyń kúzinde Baıqońyrdan Halyqaralyq ǵarysh stantsııasyna (HǴS) attanatyn kelesi ekspedıtsııa quramynda Belarýs ókili bolady degen jospar bar. ıÝ. Gagarın atyndaǵy Ǵaryshkerlerdi daıarlaý ortalyǵynyń (ǴDO) málimetinshe, belarýstik úmitkerler 19 jeltoqsannan bastap medıtsınalyq tekserýdiń sońǵy kezeńinen ótip jatyr.
Ǵaryshqa ushýǵa barlyǵy júzden astam úmitker bolǵan. Belarýs ulttyq akademııasy Roskosmosqa 29 kandıdatty iriktep usyndy. Al, ushyrý aldyndaǵy daıyndyqqa tek eki adam ǵana tańdalady.
ǴDO basshysy Maksım Harlamovtyń aıtýynsha, 28 jeltoqsanda Bas dárigerlik komıssııanyń otyrysy ótedi. Onda úmitkerlerdiń ǵaryshqa ushýǵa aryqaraıǵy daıyndyqqa jaramdylyǵy týraly usynystar aıtylady. Negizgi jáne qosalqy ekıpajǵa taǵaıyndalatyn úmitkerler Jańa jyldan keıin anyqtalmaq.
Belarýs Respýblıkasynyń tuńǵysh ǵaryshkeri 2023 jyldyń qazan aıynda Baıqońyr ǵaryshaılaǵynan «Soıýz MS-24» kemesimen ushady dep josparlanyp otyr.
Aıta ketsek, ǵaryshqa Belarýsten shyqqan úsh azamat ushqan, olar – keńes ǵaryshkerleri Petr Klımýk, Vladımır Kovalenok jáne Roskosmos ǵaryshkeri Oleg Novıtskıı.