Belarýs telearnasynda qazaqstandyq telehıkaıa kórsetilýde
09:50, 24 Aqpan 2019
ASTANA. QazAqparat - 18 aqpannan bastap «Qazaqstan» RTRK» AQ-nyń tapsyrysy boıynsha túsirilgen «Áke» telehıkaıasy Belarýs Respýblıkasynyń «+TV» telearnasy efırine shyǵa bastady. Bul týraly QazAqparat telekorporatsııanyń baspasóz qyzmetine silteme jasap habarlaıdy.
«Áke» telehıkaıasy bul - basty keıipker men balalarynyń basynan keshken oqıǵalar jelisin sıpattaıtyn otbasylyq drama.
Aıta ketý kerek, «+TV» Belarýs Respýblıkasynda erekshe qarqyn alyp kele jatqan telearna. Telearna efıri eldiń iri kabeldi operatorlar jelisi arqyly taratylady. Negizgi aýdıtorııasy 3 000 000 kórermennen asatyn telearna aptasyna 7 kún, 24 saǵat boıy habar taratady. «+TV» telearnasy úshin «Áke» týyndysy qazaq medıaónimi boıynsha alǵashqy tájirıbe.