Belarýstegi prezıdent saılaýynyń aldyn ala nátıjesi jarııalandy

MINSK. BELTA-QazAqparat – Belarýs respýblıkasynyń Ortalyq saılaý komıssııasy prezıdent saılaýynyń aldyn ala nátıjelerin jarııalady, dep habarlaıdy QazAqparat BELTA agenttigine silteme jasap.

Qazirgi memleket basshysy Aleksandr Lýkashenko 80,23% daýys jınaǵan.

Komıssııanyń málimetinshe, saılaýshylardyń 9,9%-y Svetlana Tıhanovskaıaǵa, 1,68% Anna Kanopatskaıaǵa, 1,04% Andreı Dmıtrıevke, 1,13%-y Sergeı Cherechenge, al 6,02%-y barlyq úmitkerge qarsy daýys bergen.

Saılaýdyń qazirgi nátıjesin jýrnalısterge OSK tóraıymy Lıdııa Ermoshına jarııalady.

«Biz olardy qolmen jazdyq. Óıtkeni Ortalyq komıssııada sarapshy ekeýimiz ǵana boldyq. Túngi saǵat birde Úkimet úıinen evakýatsııalandyq. Sondyqtan biz nátıjelerdi qabyldaı almadyq. Nátıjeler brıfıng bastalar aldyna ǵana qolymyzǵa tıdi», - dedi Lıdııa Ermoshına.

Keshe Saılaý komıssııasy ortalyǵynyń basshysy aýrýhanalar men áskerı bólimderde qurylǵan jabyq saılaý ýchaskelerindegi nátıjeni jarııalanǵan. Sonymen qatar, jekelegen birqatar aýdandar boıynsha daýys berý nátıjesi jarııalandy.

Belarýs OSK-nyń málimeti boıynsha, saılaýǵa 5 798 908 adam, ıaǵnı tizimdegi saılaýshylardyń 84,23%-y qatysqan.