Belarýste valıýtany satyp alýǵa 30 paıyz mólsherinde salyq engizildi
Taıaýda Belarýs Respýblıkasynyń Prezıdenti Aleksandr Lýkashenko Reseımen salystyrǵanda, onyń eline ulttyq valıýtanyń daǵdarysy qaýipti emes ekenin málimdedi. Sońǵy eki kúnde dollar baǵamy Belarýs bankterinde shamamen 700 belarýs rýbline deıin ósti. «Sheteldik valıýtaǵa degen suranystyń artýymen ishki naryqta valıýtany satyp alý kezinde zańdy jáne jeke tulǵalardan ýaqytsha 30 paıyzdyq alymnyń engiziletini týraly sheshim qabyldandy. Kásiporyndar men bankter bul alymdy bırjada valıýta satyp alý kezinde, azamattar bankten valıýta satyp alý kezinde komıssııa túrinde tóleıdi. Tólengen qarjylar bıýdjetke baǵyttalady», - dep kórsetilgen Belarýs Ulttyq bankiniń habarlamasynda. Valıýtany satyp alýǵa baılanysty Belarýstiń valıýtalyq qor bırjasy men bankterinde shekteýler ázirge engizilgen joq. Alaıda zańdy tulǵalarmen bırjadan tys valıýtalyq naryqta valıýtalardy satý men satyp alý boıynsha sharalar ýaqytsha toqtatyldy. Sondaı-aq 2014 jyldyń 19 jeltoqsanynan eksportshylardyń valıýtalyq túsiminiń mindetti satylym normasy 50 paıyzǵa deıin artady. Bankterge 2015 jyldyń 1 aqpanyna deıin belarýs rýblimen nesıe berýdi toqtatýǵa jáne bekitilgen nesıelik kelisimsharttar boıynsha qaryzgerlerdiń aqshalaı mindetteriniń valıýtalaryn ózgertpeýge keńes berildi. Sonymen birge bankterdi 2014 jyly kóktemde Belarýs kompanııalarymen berilgen nesıeler boıynsha paıyzdyq mólsherlemelerdiń maksımaldy kólemi sońǵy esep berý aıyndaǵy jańa nesıeler boıynsha ortasha paıyzdyq mólsherlemeden aspaýy kerek dep engizilgen normany 2015 jyldyń 1 qańtaryna deıin oryndamaǵany úshin jazalamaý sheshimi qabyldandy. «Kórshiles memleketterdiń, birinshi kezekte, Reseı Federatsııasynyń ekonomıkasynda qalyptasqan jaǵdaıdan shyǵa otyryp, Belarýs Respýblıkasynyń Úkimeti jáne Ulttyq bankimen Belarýs Respýblıkasynyń valıýtalyq jáne qarjylyq naryǵynda jaǵymsyz betalystardyń oryn alýyn boldyrmaýǵa baǵyttalǵan birqatar sharalar qabyldandy. Qabyldanǵan sharalar belarýs rýblderine degen qyzyǵýshylyqty arttyryp, sheteldik valıýtaǵa degen joǵary suranys jaǵdaıynda valıýtalyq naryqty teńestirý jáne alypsatarlyqty boldyrmaýǵa múmkindik beredi», - dep kórsetilgen BR Ulttyq bankiniń habarlamasynda. Belarýs Prezıdenti Aleksandr Lýkashenko bıliktiń ulttyq valıýtany qunsyzdandyrmaıtynyn aıtyp, sendirgen bolatyn. A.Lýkashenko sonymen birge el bıliginen Reseımen eseptesýdi rýblden dollar men eýroǵa aýystyrýyn talap etti. Belarýs rýbli boıynsha dollardyń resmı baǵamy Ulttyq bankte bir dollar úshin 10 myń 890 belarýs rýblin qurady.