Belarýste reseılik týrıster otyrǵan avtobýs jol apatyna ushyrady

MINSK. BELTA-QazAqparat – Belarýstiń Lıoznoe aýdanynda jol apatyna ushyraǵan avtobýsta zardap shekenderge qajetti kómek kórsetilip jatyr. Dárigerlerdiń aıtýynsha, 5 jolaýshynyń jaǵdaıy óte aýyr, dep habarlaıdy QazAqparat BELTA-ǵa silteme jasap.

Habarlanǵandaı, keshe kúndiz Lıoznoe aýdanynda M8 tas jolynda týrıstik avtobýs pen jeńil kólik soqtyǵysqan. Jeńil kólik júrgizýshisi basqa kólikti basyp ozbaq bolǵanda qarsy jolaqqa shyǵyp, ekskýrsııalyq avtobýsqa soǵylǵan. Avtobýs aýdarylyp qalǵan.
Jol apatynan jeńil kólik júrgizýshisi qaza tapty, avtobýs jolaýshylary men júrgizýshisi aýrýhanaǵa jetkizildi. Zardap shekkender arasynda 2018 jylǵy bir bala bar, onyń jaǵdaıy jaqsy.
Avtobýsta 42 adam bolǵan, sonyń ishinde 40-y – ekskýrsııaǵa kelgen Reseı azamattary. Dárigerdiń kómegi bárine qajet boldy. Qazir zardap shegýshiler Vıteb oblystyq klınıkalyq aýrýhanasynda jatyr. Beseýiniń omyrtqasy synyp, aýyr halde. 18 patsıenttiń jaǵdaıyn dárigerler ortasha aýyr dep baǵalady. Qalǵany jeńil jaraqat alǵan. Keıbirine psıhologtyń kómek bergen.