Belarýste prezıdenttik saılaý ótti dep tanyldy

ASTANA. QazAqparat - Belarýste prezıdenttik saılaý ótti dep tanyldy, saılaýshylardyń oǵan qatysýy jergilikti ýaqyt boıynsha saǵat 14.00-de 64,90% qurady, dep habarlaıdy BELTA eldiń Ortalyq saılaý komıssııasynyń málimetterine silteme jasap.

Sońǵy málimetter boıynsha daýys berýshiler sany jaǵynan Gomel oblysy kósh bastap tur (saılaýshylardyń 73,86%), al eń az daýys berýshiler Mınsk qalasynda baıqalǵan (52,00%). Shetelderdegi ýchaskelerde atalǵan ýaqytqa deıin azamattardyń 66,92% paıyzy daýys bergen.

Eske salaıyq, saılaýda saılaýshylar tizimine engen el azamattarynyń jartysynan astamy daýys berýge qatysqanda Belarýs Prezıdentiniń saılaýy ótti dep esepteledi. Prezıdenttikke kandıdat retinde tórt adam: Sergeı Gaıdýkevıch, Tatıana Korotkevıch, Aleksandr Lýkashenko jáne Nıkolaı Ýlahovıch tirkeldi.