Belarýste prezıdent saılaýy 2020 jyly ótedi
Prezıdent qoǵamnyń saıası belsendi bóligin saılaýaldy is-sharalar máseleleri tolǵandyratynyn atap ótti.
«Bul taban astynan nelikten daý týdyratyn taqyrypqa aınalǵanyn bilmeımin. Bizde zań bar, Konstıtýtsııa bar. Ózderińiz jaqsy túsinesizder, men bul jerde ary-beri aınaldyryp, bılikti qolymda saqtap qalý úshin qandaı da bir tıimdi jaǵyn izdep otyrmaımyn. Keıbir saıasatkerler turaqty ekonomıkalyq jaǵdaıǵa, meılinshe jaıly jaǵdaıǵa siltep, prezıdent saılaýyn bıyl ótkizýdi de usynyp otyr», - deıdi A. Lýkashenko.
«Qaıtalap aıtaıyn, qandaı da bir tıimdi faktorlarǵa qarap boı túzemeımiz. Prezıdent saılaýy 2020 jyly ótýi tıis. Saılaý elimizde qandaı jaǵdaı bolsa da, 2020 jyly ótedi. Biz halyqpen oınamaımyz, birer fıgýra úshin saıası oıyndar ótkizbeımiz. Prezıdent saılaýy qatań túrde zańǵa sáıkes, Konstıtýtsııada belgilengen ýaqytta ótedi», - dedi Belarýs Prezıdenti.