Belarýste ormanda joǵalyp ketken balany 2 myńnan astam erikti izdep jatyr

ASTANA. QazAqparat - Belarýs elinde bir apta buryn ormanǵa shyǵyp joǵalyp ketken 10 jasar balany izdeýge 2 myńnan astam eriktiler jumyldyryldy, dep habarlaıdy BELTA agenttigi.

Svıslochsk aýdanyndaǵy 10 jasar Maksımdi izdestirý jumystaryna demalys kúnderi 2 myńnan astam erikti atsalysýda. Eriktiler Belarýstiń túrli óńirlerinen kelgen. Sonymen qatar, oǵan jergilikti mılıtsııa, TJM arnaıy jasaǵy, avıatsııa, súńgýirler, áskerıler, jaqyn aýdandardyń qoryqshylary da kómektesýde. Olar jaqyn mańdaǵy orman ishin, qamys-batpaqty alqaptardy, ıesiz qalǵan hýtorlardy súzip shyqty. Bul mańdaǵy jynys orman men mı batpaq adamdardyń kóptigine qaramastan izdeý jumystaryna qıynshylyq týdyrýda.
Aıta keterligi, bala Svıslochsk aýdanyndaǵy ormanda 17 qyrkúıek kúni joǵalyp ketken. Balanyń anasy tártip saqshylaryna ulynyń joǵalǵanyn aıtyp aryzdanǵan. Ul bala keshke saǵat 20.00-der shamasynda velosıpedine minip  Novyı Dvor derevnııasynyń janyndaǵy ormanǵa attanǵan. Qazir, jergilikti tártip saqshylary orman ishinen velosıpedti tapty.