Belarýste adamdarǵa qasqyr shapty

ASTANA. QazAqparat - Belarýstiń Komarın eldi mekeninde eki er adamdy qasqyr talap ketti, dep habarlaıdy QazAqparat BELTA-ǵa silteme jasap.

Eldi meken ortalyǵyndaǵy avtostansada er adamǵa qasqyr shabýyldaǵany týraly aqparat jergilikti tártip saqshylaryna 2 qańtar kúni tańǵy alty jarymdar shamasynda túsken. Jyrtqysh er adamnyń qolyn tistep, qashyp ketken. Araǵa 40 mınýt salyp, jyrtqyshtyń eldi mekenniń shetindegi janarmaı quıý beketiniń mańynda jortyp júrgeni týraly habar keledi. Ol jerde taǵy bir adamnyń qolyn jaraqattap ketken», - deıdi Gomel oblystyq ІІB resmı ókili Vıtalıı Prıstromov.

Oqıǵa ornyna shuǵyl jetken mılıtsııa qyzmetkerleri men ańshylar bórini taba almaǵan. «Qazir ańshylar jyrtqyshty zalalsyzdandyrýdyń qamyn jasap júr», - deıdi ІІD resmı ókili. Zardap shekken er adamdarǵa qajetti medıtsınalyq kómek kórsetilip, arnaıy ekpe salyndy.