Belarýste 1 qyrkúıekten bastap kommýnaldyq qyzmet baǵasy ósedi

ASTANA. QazAqparat - Belarýste memleket sýbsıdııalaıtyn jylytý jáne jyly sý qajettiligi úshin elektr energııasy men jylý energııasy tarıfteri, tabıǵı jáne suıytylǵan gaz baǵasy qaıta eseptelinedi, dep habarlaıdy BELTA Mınıstrler keńesiniń baspasóz qyzmetine silteme jasap.

Qujat 1 qyrkúıek kúni kúshine enedi. Osylaısha, aıdyń basynda turǵyndar úshin tabıǵı jáne suıytylǵan gaz baǵasy, elektr energııasy men jylý energııasy tarıfteri qymbattaıdy. Tarıfter 8%-ǵa ósedi. Jylytý jáne jyly sý qajettiligi úshin jylý energııasy 1 Gkalǵa 16,9259 Br -dy quraıdy. Bir tekshe metr gazdyń tarıfy  jylytý maýsymynda 0,0983 Br bolsa, al jazda 0,3081 Br bolady.

Jylytý jáne jyly sý qajettiligi úshin elektr energııasy men jylý energııasy eń tómengi júkteme kezeńinde qýattylyǵy 5 kVt-tan asatyn (23.00-den 6.00-ge deıin) qurylǵy qosylǵan kezde 1 kVt saǵatyna 0,09 Br -dy quraıdy, al qalǵan ýaqytta 0,1674 Br bolady.