Belarýstaǵy Qazaqstan Elshiliginde Jambyl shyǵarmashylyǵy kúni ótti
Belarýs Respýblıkasyndaǵy Qazaqstan Respýblıkasynyń Elshiliginde «Jambyl» kórkem fılminiń kórsetilimi ótip, Qazaqstanda jáne ózge shet memleketterde 175 jyldyq mereıtoıy keńinen atalyp ótip jatqan uly aqynnyń shyǵarmashylyǵy talqylandy.
1952 jyly Alma-Ata kórkem jáne hronıkalyq fılmder kınostýdııasynda rejısser Efım Dzıgan túsirgen kórkem fılmdi tamashalap, qyzý talqyǵa salǵan kórermender úsh kezeńniń ókilderi: dıplomattar, Elshilik qyzmetkerleri jáne olardyń otbasy músheleri.
Aǵa býyn ókilderi óskeleń urpaqqa HІH ǵasyr aıaǵy men HH ǵasyr basyndaǵy Qazaqstanda bolǵan tarıhı kezeńder týraly, qazaq halqynyń táýelsizdik úshin kúresi, 1941-1945 jyldardaǵy Ekinshi dúnıejúzilik soǵysta qazaqstandyqtardyń qosqan úlesi týraly aıtyp berdi. Óziniń shyǵarmashylyǵyn qarapaıym halyqpen tyǵyz baılanystyryp, otansúıgishtik pen adamı qundylyqty óz poezııasynda shynaıy ári tereń etip sýretteı bilgen Jambyl Jabaevtyń jeke tulǵalyq qasıetine basa mán berildi.
Fılmdi tamashalap bolǵan soń is-sharaǵa qatysýshylar Elshiliktiń kitaphanasynda J.Jabaevtyń kópjanrlyǵymen erekshelenip, batyrlyq epos, satıra, ertegimen berilgen shyǵarmashylyǵymen tanysty.
Talqylaýǵa aqynnyń «Júz jasaǵan júrekten», «Han jáne aqyn», «Zildi buıryq» syndy shyǵarmalary tańdap alyndy. Ataýly kún sońynda jyr alybynyń álemge áıgili «Lenıngradtyq órenim!» óleńi oqyldy.