Belarýsta Konstıtýtsııa boıynsha referendýmda merziminen buryn daýys berý bastaldy
Ol 22-26 aqpan aralyǵynda ótedi. 27 aqpan, referendým ótetin kúni qatysa almaıtyn saılaýshylar aldyn ala daýys bere alady, dep habarlaıdy QazAqparat BELTA-ǵa silteme jasap.
Belarýs aýmaǵynda daýys berýge arnalǵan 5510 ýchaske quryldy. Brest oblysynda - 883, Vıtebsk - 714, Gomel - 977, Grodno - 608, Mınsk - 929, Mogılev - 707, Mınsk - 692. 217 ýchaske - shıpajaılarda, demalys úılerinde, aýrýhanalarda jáne statsıonarlyq jaǵdaılarda medıtsınalyq kómek kórsetetin basqa da densaýlyq saqtaý uıymdarynda, 12 ýchaske - áskerı bólimderde.
Saılaý ýchaskeleri saǵat 10.00-den 14.00-ge deıin jáne 16.00-den 19.00-ge deıin jumys isteıdi. Saılaýshynyń ózimen birge tólqujaty bolýy kerek.
Bıýlleten sondaı-aq áskerı bıletti (merzimdi qyzmettegi áskerı qyzmetshiler úshin), memlekettik organ (uıym) qyzmetkeriniń qyzmettik kýáligin, júrgizýshi kýáligin kórsetken kezde beriledi. Zeınetaqy kýáligi, múgedek kýáligi (fotosýreti bolǵan jaǵdaıda), stýdenttik bılet boıynsha da daýys berýge bolady.
Saılaýshy tólqujatyn joǵaltyp alǵan jaǵdaıda ózimen ishki ister organdarynan azamattyń kim ekenin rastaıtyn anyqtama alýy kerek.
Referendýmda bir suraq qoıyldy: Siz Belarýs Respýblıkasynyń Konstıtýtsııasyna engizilgen ózgerister men tolyqtyrýlardy qabyldaısyz ba? Referendýmǵa qatysýshylar tıisinshe «qarsymyn» jáne «qarsy emespin» degen eki belginiń birin belgileýi tıis.
Eger belgi eki jerge qoıylsa nemese birde-bireýine qoıylmasa, onda mundaı bıýlleten jaramsyz dep tanylady. Referendým jalpyǵa birdeı, erkin, teń jáne jasyryn daýys berý arqyly ótkiziledi. Oǵan 18 jasqa tolǵan azamattar qatysa alady. Referendýmnyń árbir qatysýshysy jeke ózi daýys beredi. Eger daýys berýge arnalǵan tizimge engizilgen azamattardyń jartysynan kóbi qatyssa, referendým ótkizildi dep esepteledi.