Belarýs Shanhaı yntymaqtastyq uıymyna múshe bolady
«Shanhaı yntymaqtastyǵy uıymy (ShYU) qatysýshylarynyń quramy únemi keńeıip keledi. Bul - bizdiń uıymnyń turaqty ósip kele jatqan halyqaralyq bedeli men yqpalynyń dáleli. Búgingi otyrysqa, ıaǵnı óńirlik terrorızmge qarsy qurylym keńesiniń jumysyna ShYU tolyqqandy múshesi retinde Iran Islam Respýblıkasynyń ókili alǵash ret qatysyp otyr. Kelesi jyly ShYU-ǵa múshe bolý rásimin aıaqtaıtyn Belarýs Respýblıkasynan tájirıbeli mamandar qatarymyzǵa qosylady dep josparlanǵan. Bul baǵytta Mońǵolııada da jumystar júrip jatyr», - dedi QR Ulttyq qaýipsizdik komıteti tóraǵasynyń orynbasary Rýslan Seısembaev Astanada ótip jatqan ShYU otyrysynda.
UQK basshysy orynbasarynyń aıtýynsha, terrorızm, ekstremızm jáne separatızmmen kúreste kópjaqty yntymaqtastyqty damytýǵa serpin berý úshin keńeske ShYU janyndaǵy baıqaýshylardyń ókilderi shaqyryldy.
Buǵan deıin Astanada Qazaqstannyń tóraǵalyǵymen Shanhaı yntymaqtastyq uıymynyń (ShYU) óńirlik terrorızmge qarsy qurylym RATS keńesiniń 40-y otyrysy ótip jatqany týraly habarlaǵan edik.