Belarýs saıahatshysy teńizge túsý úshin Aqtaýǵa jaıaý shyqqan

MUNAILY. QazAqparat – Belarýs saıahatshysy teńizge túsý úshin Aqtaýǵa jaıaý shyqqan. Jolda qarajaty taýsylǵan oǵan mańǵystaýlyq polıtseıler kómektesti, dep habarlaıdy QazAqparat Rolisia.kz saıtyna silteme jasap.

«Munaıly aýdany polıtsııa bólimi PPR aǵa qyzmet ınspektory J. Tadjıbaev ádettegideı, ózine belgilengen aýmaqta qyzmet atqaryp júrip, túngi mezgilde jol boıynda otyrǵan belgisiz er adamdy baıqaǵan.

Mán-jaıdy anyqtaý úshin polıtsııa kapıtany azamattyń janyna baryp, qandaı kómek qajet ekenin surady. Belgili bolǵandaı, er adam teńizge túsý úshin Belarýs elinen Aqtaý qalasyna qaraı jaıaý jol tartqan. Orta jolda qarajat máselesi týyndap, qıyndyqqa ushyraǵan», - delingen habarlamada.

Polıtseıler týrısti qonaqúıge ornalastyrǵan. Keıin tamaqtandyryp, teńiz jaǵalaýyna jetkizip tastaǵan.

«Belarýs saıahatshysy polıtsııa qyzmetkerlerine rızashylyǵyn bildirip, alǵysyn jetkizdi», - deıdi polıtsııadan