Belarýs Prezıdentin Qazaqstandaǵy qaı salalar qyzyqtyrady

NUR-SULTAN. QazAqparat – Belarýs Prezıdenti Aleksandr Lýkashenko Qazaqstanmen yntymaqtastyqta óz eli úshin mańyzdy basym baǵyttardy atady, dep habarlaıdy QazAqparat tilshisi.

«Basymdyqty baǵyt retinde ónerkásiptik kooperatsııany ary qaraı damytýdy aıqyndadyq. ıAǵnı bizdi jaı ǵana saýdadan birlesken kásiporyndar qurýmen kooperatsııalyq baılanystarǵa kóship jatyrmyz. Bul baǵytta eki el aýmaǵynda Belarýs jáne Qazaqstan azamattary jumys isteıdi», - dedi ol Aqordada.

Sonymen qatar, A. Lýkashenko qol jetkizilgen kelisimder týraly, sondaı-aq kombaındar jáne ózge de aýyl sharýashylyǵy tehnıkasy óndirisin arttyrý jaıynda aıtty.

«Sonymen qatar biz Mınsk traktor zaýytynyń tehnıkasyn Qazaqstanda shyǵarý strategııasyn aıqyndadyq. Ónerkásiptik kooperatsııamen qatar, eki el arasynda basqa da salalarda yntymaqtastyqty nyǵaıtý úshin eleýli áleýet bar. Bul rette aýyl sharýashylyǵy, kólik jáne logıstıka, jol qurylysy, munaıhımııasy kesheni, ІT-tehnologııa, ǵaryshty beıbit maqsatta ıgerý baǵyttary bar», - dedi ol.

«Dástúrli túrde bizdi Qazaqstanda óndirilgen metall, astyq, maqta talshyǵy, munaı ónimderi jáne basqa da ónimder qyzyqtyrady. Ózderińiz bilesizder, Belarýs munaı jetkizilimin ártaraptandyrý máselesine erekshe nazar aýdaryp otyr. Sondyqtan da Qazaqstannan osy shıkizat ımportyna múddelimiz», - ded Belarýs Prezıdenti.