Belarýs otbasylary úshinshi bala úshin 10 myń dollardan alatyn bolady

ASTANA. QazAqparat - Belarýs prezıdenti Aleksandr Lýkashenko respýblıkada 2015 jyldan bastap úshinshi jáne odan keıingi balalar týǵan jaǵdaıda 10 myń dollar kóleminde otbasylyq kapıtal engizý týraly usynysty qoldady, dep habarlady RIA Novostı Belarýs prezıdentiniń baspasóz qyzmetine silteme jasaı otyryp.

«Memleket basshysy jarlyq jobasyndaǵy negizgi erejelermen kelisti», - delingen habarlamada.

Baspasóz qyzmetiniń aqparaty boıynsha, jarlyqtyń jobasymen otbasylyq kapıtalǵa qatysty otbasylarǵa úshinshi jáne odan keıin balalar týǵan jaǵdaıda 10 myń dollar kóleminde bir jolǵy aqshalaı qarjy tóleý qarastyrylyp otyr.

«Otbasylyq kapıtal quqyǵyna 2015 jyldyń 1 qańtarynan 2019 jyldyń 31 jeltoqsanyna deıin úshinshi jáne odan keıingi balalary týǵanda nemese asyrap alǵan jaǵdaıda Belarýs azamattyr ıe bolmaq», - dep túsindirilgen habarlamada.

Otbasylyq kapıtaldy taǵaıyndaý quqyǵy úshin júgingen azamattyń tilegi úshinshi jáne odan keıingi balalardyń týǵanı kúninen nemese asyrap alǵan kúninen 6 aı ishinde júzege asyrylady. Ol qarjyny paıdalaný quqyǵy bala týǵan kúnnen bastap 18 jasqa tolǵan kezde beriledi.