Belarýs ókilderiniń palatasy prezıdent saılaýyn 2015 jylǵy 11 qazanǵa belgiledi
16:43, 30 Maýsym 2015
ASTANA. QazAqparat - Belarýs Prezıdentin saılaý 2015 jyldyń 11 qazanynda ótedi. Osyndaı sheshim búgin jetinshi sessııasy jumysyn aıaqtap otyrǵan Belarýs Respýblıkasy Ulttyq jınalysy ókilderi palatasynyń otyrysynda qabyldandy, dep habarlady BELTA.
Belarýs Konstıtýtsııasyna sáıkes, Prezıdent bes jylǵa saılanyp, qyzmetine ant qabyldaǵan soń kirisedi. Prezıdent saılaýyn ókilder Palatasy bes aı buryn belgileıdi, sondaı-aq qazirgi memleket basshysy ókildigi aıaqtalǵansha eki aı buryn merzimnen keshiktirmeı, jeksenbi kúni ótkiziledi.
Sońǵy ret Belarýs Prezıdentin saılaý 2010 jyldyń 19 jeltoqsanynda ótip, resmı málimetter boıynsha, Aleksandr Lýkashenkonyń esh talassyz tórtinshi prezıdenttik merzimin qamtamasyz etti.