Belarýs-Lıtva shekarasynda 700-ge jýyq aýyr júkter tasıtyn kólikter turyp qaldy
Bul týraly respýblıkanyń memlekettik shekaralyq baqylaý (MShB) komıtetiniń málimetteri kýálandyrady, dep habarlaıdy TASS.
Shekaralyq vedomstvonyń aqparatynsha, saǵat 08:00-degi jaǵdaı boıynsha (máskeý ýaqytymen birdeı) Belarýs-Lıtva shekarasynda Belarýsten shyǵa beriste kezekte 680 úlken júk tasıtyn avtomobıl turdy. Sonyń ishinde, Kamennyı Log ótkizý beketinde - 250, Benıakonıde - 170, Prıvalkada - 150, Kotlovkada 110 úlken júk tasıtyn kólik turyp qalǵan.
Lıtva jaǵynan, Belarýs Memlekettik shekara komıtetiniń málimetterinshe, kezek joq. Onda Latvııadan Belarýsqa erkin shyǵýǵa bolady.
Óz kezeginde Belarýs-Latvııa shekarasynyń Grıgorovşına ótkizý beketinde 30 avtomobılden quralǵan kezek baıqalyp otyr. Belarýs pen Polsha shekarasynyń Brýzgı ótkizý beketinde de týra sonshama júk kóligi tur. Belarýstiń Ýkraınamen shekarasynda júk kólikteriniń ótýimen problemalar joq, dep atap ótti Belarýs eliniń Memlekettik shekara komıtetinen.