Belarýs koronavırýsqa qarsy óz vaktsınasyn jasap shyǵardy

NUR-SULTAN. BELTA-QazAqparat - Belarýs Prezıdenti Aleksandr Lýkashenko jýrnalısterdiń suraǵyna jaýap bergen kezde elde koronavırýsqa qarsy vaktsına shyǵarylǵanyn aıtty. Bul týraly QazAqparat BELTA aqparat agenttigine silteme jasap habarlaıdy.

Memleket basshysy Belarýstiń óz vaktsınasyn shyǵarý nıeti týraly málimdegen kezde bul bastamany synaǵandar bolǵanyn eske saldy.

«Keshe biz Belarýs vaktsınasyn tútikke saldyq. Bul qazirgi satyp alyp júrgen vaktsınaǵa qaraǵanda jaqsy, ári ózgeshe. Dárigerler aıtqandaı, bul - tiri vaktsına», - dedi Belarýs prezıdenti.

Ol bul vırýs ózgeriske ushyraǵanda qalaı bolatynyn kórý kerektigin, asyǵystyq joq ekenin aıtty.

Aleksandr Lýkashenko qazirgi vaktsınalarda bolashaqta vırýstyń jańa mýtatsııalaryna qarsy kómegi zor ekenine kepildik joqtyǵyna nazar aýdardy.

«Qazirgi ýaqytta elimizde qoldanylyp jatqan vaktsınalar bar. Biz reseılik tehnologııamen jasalǵan qytaı vaktsınasyn satyp aldyq. Al erteń tútikte turǵan vaktsınamyzdy ózimizde bolatyn shtamǵa beıimdeımiz. Qalaı bolatynyn ýaqyt kórsetedi», - deıdi ol.