Belarýs kompanııalary otandyq júk tasymaldaýshylaryn naryqtan yǵystyryp jatyr – deptýtat
«2022 jyl boıy qazaqstandyq tasymaldaýshylar sheteldik ruqsat blankileri negizinen bizge kóship kelgen reseılik jáne belarýstyq tasymaldaýshylaryna berilip jatqandyǵynan zardap shegip keldi. Al bıylǵy jyl basynan berilgen sheteldik ruqsat blankileri jóninde tizimge kóńil aýdarsaq, úlken aıyrmashylyqpen «InterAvtoTrans», «Tehnobel», «Intertransavto-Qostanaı» JShS alda tur. Bular – burynǵy belarýstyq Jenty, Primum kompanııalary. Qazirgi tańda, Belarýs tasymaldaýshylarynyń quqyqtary bizdiń kásipkerlermen teń tur. Al bul bizdiń tasymaldaýshylarymyz tasymaldaıtyn taýarlardyń kólemine qatty áser etedi. Olar bizdiń tasymaldaýshylarymyzǵa básekelestik týǵyza otyryp, qazaqstandyq kásiporyndardy júk tasymaldaý naryǵynan yǵystyryp jatyr», - dedi depýtat Májilistiń jalpy otyrysynda.
Onyń atap ótýinshe, Eýropa elderi de joǵaryda atalǵan Belarýs kompanııalary shyn máninde qazaqstandyq emestigin biledi. Sonyń saldarynan ótken jyly Eýropa elderi, atap aıtqanda Polsha men Lıtva Qazaqstanǵa ruqsat blankilerin bermegen.
«Árıne, biz Belarýs pen Reseıge esh is-shara qoldana almaımyz. Olar iri kompanııalar bolyp jumys jasaıdy. Al bizde shaǵyn jáne orta kompanııalar. Joǵaryda baıandalǵandy túıindeı kele, «Aq jol» QDP fraktsııasy ishki naryq pen otandyq tasymaldaýshylardyń múddelerin qorǵaý maqsatynda shaǵyn jáne orta bızneske ruqsat blankileri jaǵynan artyqshylyq berýimiz kerek dep sanaıdy. Bul halyqaralyq tájirıbege saı jáne Eýrazııalyq ekonomıkalyq odaqtyń tártibin buzbaıdy», - dedi Erjan Beısenbaev.