Belarýsqa grantqa oqýǵa túsý konkýrsyna qujattar qabyldaý merzimi uzartyldy
Qazaqstan Respýblıkasynyń Bilim jáne ǵylym mınıstrligi, Belarýs Respýblıkasynyń Úkimeti men Qazaqstan Respýblıkasynyń Úkimeti arasyndaǵy joǵary jáne joǵary oqý ornynan keıingi bilim berý salasyndaǵy yntymaqtastyq týraly 2009 jylǵy 10 maýsymdaǵy kelisim sheńberinde Belarýs Respýblıkasynyń joǵary oqý oryndarynda bakalavrıat (3 oryn), magıstratýra (2 oryn), aspırantýra (1 oryn) baǵdarlamalary boıynsha bilim alý úshin konkýrs jarııalaıdy.
Úmitkerlerdi irikteýdiń negizgi ólshemsharttary kelesideı:
bilim týraly qujattyń ortasha baly: «bakalavrıat» baǵdarlamasy boıynsha úmitkerler úshin - orta bilim týraly attestat baly keminde 5,0-den 4,5; «magıstratýra», «aspırantýra» baǵdarlamalary boıynsha úmitkerler úshin - bakalavr/maman dıplomynyń baly keminde 5,0-den 4,5 nemese GPA 4.0-den 3.0 bolýy qajet;
úmitker oqýyn aıaqtamaǵan jaǵdaıda, aǵymdaǵy úlgeriminiń ortasha baly joǵaryda kórsetilgen talaptarǵa sáıkesinshe saı bolýy qajet;
mamandyqtyń joǵary bilim dıplomy mamandyǵyna sáıkes kelýi (magıstratýra men aspırantýra úshin) qajet.
Kelisim sheńberinde: tegin oqý, aı saıynǵy stıpendııa (bakalavrıat jáne aspırantýra - shamamen 150 AQSh doll., magıstratýra - shamamen 170 AQSh doll.), JOO jataqhanasynda turý quny - aıyna 15-30 AQSh dollary.
Qalǵan shyǵyndar stýdentterdiń óz qarajaty esebinen qamtylady.
Bilim alý tili - oryssha.
Belarýs Respýblıkasynyń joǵary oqý oryndarynda oqý úshin úmitkerlerge mynadaı qujattardy usynýy qajet:
Bir danada:
shetelde oqý úshin negizdeme-ótinish (erkin nysanda);
Qazaqstan Respýblıkasynyń shetelge oqýǵa shyǵatyn azamatynyń qosymshadaǵy nysan boıynsha toltyrylǵan saýalnamasy;
jeke kýálik jáne/nemese ulttyq tólqujat (salystyrý úshin túpnusqalar usynylmaǵan jaǵdaıda notarıaldyq kýálandyrylǵan) kóshirmesi;
memlekettik úlgidegi bilim týraly qujattardyń (salystyrý úshin túpnusqalar usynylmaǵan jaǵdaıda notarıaldyq kýálandyrylǵan) kóshirmesi;
«Densaýlyq saqtaý uıymdarynyń bastapqy medıtsınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) bekitilgen nysan boıynsha (shetelge shyǵýshylar úshin) medıtsınalyq anyqtama;
gramotalar, sertıfıkattar, dıplomdar, alǵys hattar kóshirmeleri, bar bolǵan jaǵdaıda;
usynym hattar, bar bolǵan jaǵdaıda;
transkrıpt (sheteldik joǵary oqý ornyna magıstratýra nemese bakalavrıat baǵdarlamalary boıynsha óz betinshe túsken nemese oqyp júrgen tulǵalar úshin). Bul rette, qazaq nemese orys tiline notarıaldy kýálandyrylǵan aýdarmalar usynylady;
tańdaǵan zertteý taqyryby boıynsha esse (aspırantýra baǵdarlamasy boıynsha oqý úshin);
ǵylymı jarııalanymdar nemese oqý-ádistemelik/ǵylymı ázirlemeler tizbesi (aspırantýra baǵdarlamasy boıynsha oqý úshin), bar bolǵan jaǵdaıda.
Bir danadan: Qazaqstan Respýblıkasynyń shetelge oqýǵa shyǵatyn azamatynyń qosymshadaǵy nysan boıynsha toltyrylǵan saýalnamasy;
bilim týraly qujat transkrıptimen birge jáne olardyń notarıaldy kýálandyrylǵan orys tiline aýdarmalary;
densaýlyq jaǵdaıy týraly medıtsınalyq qorytyndy jáne notarıaldy kýálandyrylǵan orys tiline aýdarmasy;
densaýlyq saqtaý jónindegi resmı organ bergen AITV ınfektsııasynyń joqtyǵy týraly sertıfıkat jáne notarıaldy kýálandyrylǵan orys tiline aýdarmasy;
týý týraly kýálik kóshirmesi jáne notarıaldy kýálandyrylǵan orys tiline aýdarmasy;
3×4sm. mólsherdegi 5 fotosýret;
tólqujat kóshirmesi jáne notarıaldy kýálandyrylǵan orys tiline aýdarmasy.
Belarýs Respýblıkasy joǵary oqý oryndary men mamandyqtar tizimi qosa beriledi.
Qujattardy qabyldaý merzimi - 2018 jylǵy 1 maýsymǵa deıin.
Qujattar 2 faıldyq papkada usynylady.
Qujattar teztikpege tigiledi. Teztikpe muqabasynda aty-jóni, mekenjaıy, telefon nómiri, boljamdy bilim berý uıymynyń ataýy jáne mamandyq kórsetilý qajet.
Qujattardy qabyldaý jumys kúnderi saǵat 09.00-den 18.30-ǵa deıin (13.00-14.30 - túski úzilis) Astana. Sol jaǵalaý, Máńgilik El dańǵyly, 8, «Altyn Orda» bıznes ortalyǵy, 5-qabat, 501-kabınet mekenjaıy boıynsha júzege asyrylady. Tel.: +7 (7172) 24-93-86.