Belarýs Elshisi Qazaqstannyń Syrtqy ister mınıstrligine shaqyryldy

<p>ASTANA. KAZINFORM - Belarýs Elshisi Pavel Ýtıýpın Qazaqstannyń Syrtqy ister mınıstrligine shaqyryldy, dep habarlaıdy QR SІM baspasóz qyzmeti.&nbsp;</p>

Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileýdiń Belarýs Respýblıkasynyń elshisimen kezdesýi barysynda Qazaqstan-Belarýs ekijaqty deńgeıdegi, sondaı-aq kópjaqty uıymdar sheńberindegi yntymaqtastyqtyń ózekti máseleleri talqylandy. 

Atap aıtqanda, mınıstr Qazaqstan BUU Jarǵysyna jáne halyqaralyq quqyqtyń negizin qalaýshy normalaryna sáıkes teńgerimdi jáne beıbitshil syrtqy saıasat júrgizip jatqanyn erekshe atap ótti. Elimiz memleketter arasyndaǵy barlyq kelispeýshilikter saıası jáne dıplomatııalyq joldarmen sheshilýi tıis ekenine nyq senimdi. 

Qazirgi geosaıası jaǵdaıda Memleket basshysy júrgizip jatqan elimizdiń syrtqy saıası baǵyty óziniń tıimdiligin kórsetti. 

Osyǵan baılanysty mınıstr Belarýs tarapyn qazirgi protsesterge qatysty Astananyń ustanymyn obektıvti baǵalaýǵa shaqyrdy.

Aıta keteıik, Belarýs prezıdenti Aleksandr Lýkashenko postkeńestik keńistiktegi keıbir elder «Reseıden birdeńe alǵysy kelip, biraq onyń ornyna eshteńe bermeıtinin» málimdedi, dep habarlaıdy RIA Novostı. 

«Biz (Belarýs pen Reseı — red.) shyn máninde bir qaıyqtamyz. Eger ol aýdarylyp ketse, Reseı de, Belarýs te sýǵa batyp ketemiz. Neni jasyrýymyz kerek (odaqtastyq qatynas — red.)? Biz (Belarýs — red.), Reseıden birdeńe alǵysy kelip, biraq ornyna eshteńe bermeıtin keıbir postkeńestik memleketter sııaqty ábigerge túsip jatqan joqpyz», — dedi Lýkashenko «Rossııa» telearnasyna bergen suhbatynda. Suhbatty dúısenbi kúni keshke «Belarýs 1» telearnasy kórsetti.

Lýkashenko «istiń bulaı júrmeıtinin» aıtty.

«Birge bolaıyq. Sol Reseıge kelip qoldaý, kómek suraıtyn ýaqyt alys emes. Suraıtyn eshkim joq… Qazaqstanda birdeńe boldy — kimnen surady? Qytaı, Úndistan, Pákistan? Joq, Pýtınnen (Reseı prezıdenti — red.) kómek surady. Jáne biz (UQShU — red.) (kúsh — red.) ornalastyrdyq, túste bizdiń ushaqtar qondy — olar tynyshtaldy (2022 jylǵy qańtardaǵy tártipsizdik –). red.). Aıyptap otyrǵanym joq», — dedi Lýkashenko.

Ol tótenshe jaǵdaıda TMD elderi Reseı men Belarýs elderinen kómek suraıtynyna senim bildirdi.

Prezıdent sondaı-aq postkeńestik keńistikte qalyptasqan ekonomıkalyq baılanystardy joǵaltpaýǵa shaqyrdy.

«Ne, Qazaqstan nemese Ózbekstan taýarlaryn Amerıka álde Eýroodaqta kútip tur ma? Joq… Reseıde satyp beredi. Ortaq naryq. Bar nárseni nege joǵaltý kerek? Buǵan qosaıyq», — dedi Lýkashenko.