Belarýs elinen Qazaqstanǵa eki qylmysker qaıtaryldy

ASTANA. QazAqparat - Búgin Bas prokýratýranyń jáne Іshki ister mınıstrliginiń qyzmetkerleri Vladımır Ahmadıev pen Álibek Baıbosynovty Qazaqstanǵa alyp keldi.

Qazaqstan Respýblıkasy Bas prokýratýrasynyń suranysyna sáıkes, Belarýs Respýblıkasynyń Bas prokýratýrasy asa aýyr mólsherde alaıaqtyq jasaǵandyǵy úshin qylmystyq jaýapkershilikke tartý úshin Shyǵys Qazaqstan oblysy boıynsha Memlekettik kirister departamentiniń Ekonomıkalyq tergeý qyzmeti izdeý salǵan Vladımır Ahmadıevti berý týraly sheshimdi qabyldady, dep habarlaıdy QR Qazaqstan Respýblıkasy Bas prokýratýrasynyń baspasóz qyzmeti.

Ol «Stroıtelno-montojnoe predprııatııa-Almaty» JShS-niń bas dırektory bola júrip, sonymen qatar jalǵan tulǵalar arqyly atalǵan uıymdy basqara otyryp, Shyǵys Qazaqstan oblysyndaǵy túzeý mekemesiniń qazandyǵyn salý barysynda 310 738 014 tenge somasynda bıýdjet qarajatyn urlaǵany úshin kúdikti bolyp tabylady.

Sonymen birge, Belarýs Respýblıkasynyń Bas prokýratýrasy 33-jasar Qazaqstan azamaty A.Baıbosynovty Belarýs Respýblıkasy Qylmystyq kodeksiniń 147-babynyń 4-bóligi (denege aýyr zaqym keltirý) boıynsha 2014 jyldyń 23 jeltoqsanynda Belarýs soty belgilegen jazasyn odan ári óteý úshin Qazaqstanǵa berý týraly sheshim qabyldady.

Baıbosynov jazasynyń qalǵan merzimin ulttyq zańnamaǵa sáıkes Qazaqstannyń túzeý mekemesinde óteıtin bolady.

Qazirgi ýaqytta aıdaýyldanǵan tulǵalar Astana qalasynyń tergeý abaqtysyna qamaýǵa alyndy.