Belarýs elinde sottalǵan QR azamaty jazasyn óteý úshin Qazaqstanǵa jetkizildi

ASTANA. QazAqparat - Belarýs Respýblıkasynyń Bas prokýratýrasy sottalǵan qazaqstandyq Andreı Karpenkony jazasyn Qazaqstanda odan ári óteý úshin berý týraly ótinish hatty qanaǵattandyrdy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

«2017 jyly Brest oblysy Kobrın aýdanynyń soty Andreı Karpenkony Belarýs Respýblıkasynyń memlekettik shekarasy arqyly esirtki zattaryn zańsyz alyp júrgeni úshin aıypty dep tanyp, úsh jyl bas bostandyǵynan aıyrý jazasy taǵaıyndaǵan.

Budan keıin, sottalǵan A.Karpenko Qazaqstan Respýblıkasynyń Bas prokýratýrasyna jazasyn odan ári óteý úshin ony otanyna qaıtarý jóninde ótinish jasady», - delingen habarlamada.

QR Bas prokýratýrasy júrgizgen jumystardyń nátıjesinde onyń ótinishhaty qanaǵattandyrylǵan. Vedomstvo baspasóz qyzmetiniń málimetinshe, búgin Andreı Karpenko Belarýs elinen Qazaqstan aýmaǵyna etappen jetkizilgen. Ol Astana qalasynyń ýaqytsha ustaý ızolıatoryna qamaldy.