Belarýs elinde orys baspasóziniń kongresi ótip jatyr

ASTANA. QazAqparat - Orys baspasóziniń kongresi kásibı baılanystyń tıimdi alańyna aınaldy. Mundaı pikirdi HІH Dúnıejúzilik orys baspasóziniń kongresine qatysqan «Moıa Malta» jýrnalyn shyǵarýshy Anastasııa Lesnıkova aıtty, dep habarlaıdy BELTA . BAQ ókili kongrestiń bıylǵy jyly Belarýs elinde ekinshi ret ótkiziletindigine qýanyshty ekendigin bildirdi.

Búgin 15 shildege deıin jalǵasatyn  HІH Dúnıejúzilik «Bolashaq úshin seriktesik: qazirgi órkenıettiń artyqshylyqtary» orys baspasóziniń kongresiniń qatysýshylary  Mınskige keledi. Sharanyń negizgi bólimi 12 shilde kúni Mınskide ótetin plenarlyq otyrys bolmaq. Saltanatty túrde ashylǵannan keıin, «Syn-qaterler men múmkindikter: egemendik, birigý, jahandaný» jáne «Tsıfrlyq revolıýtsııa jaǵdaıyndaǵy BAQ» atty eki paneldi sessııa ótedi dep josparlanýda.

Belarýs elindegi forým 52 memleketten kelgen BAQ ókilderiniń basyn qosty. Memleket bul kongresti osymen ekinshi ret ótkizgeli otyr, 15-inshi otyrys dál osy alańda 2013 jyly ótkizilgen bolatyn.

1999 jyldyń 24 shildesinde qurylǵan Orys baspasóziniń dúnıejúzilik qaýymdastyǵy  -  baspa jáne elektrondy buqaralyq aqparat quraldary, agenttikter, redaktsııalar, televızııalyq jáne radıobaǵdarlamalardyń ashyq halyqaralyq úkimettik emes uıymy. Orys baspasóziniń dúnıejúzilik qaýymdastyǵy keńesiniń málimetinshe, qazirgi ýaqytta álemniń 70-ten astam elderinde orys tilindegi jýrnal, gazet, basylymdar, radıo jáne telebaǵdarlamalar shyǵarylady.