Belarýs bala dúnıege kelgenge baılanysty əkeler demalysyn engizbek
18:37, 16 Qazan 2017
ASTANA. QazAqparat - Belarýs eńbek jáne áleýmettik qorǵaý mınıstrligi Eńbek kodeksindegi ákeler demalysyna qatysty usynysty túsindirip berdi, dep habarlaıdy BELTA.
Vedomstvoaralyq jumys toby bala týǵan kezde ákelerge qysqa merzimdi demalys berýge qatysty Eńbek kodeksiniń jobasyna usynystar engizdi. Usynysqa sáıkes, bala týǵannan keıingi alǵashqy jarty jylda 14 kúnge deıin er adamdarǵa demalys alýǵa ruqsat etilmek. Basqa da otbasylyq jaǵdaıǵa baılanysty beriletin áleýmettik demalystar sııaqty atalǵan demalys túri jalaqyny saqtamaǵan kúıde beriledi.
Qazirgi ýaqytta úsh jasqa tolmaǵan balaǵa kútim jasaý úshin demalys tek qana anasyna (ógeı anasy) ǵana emes, sonymen birge otbasynyń sheshimi boıynsha ákesine (ógeı ákesi), basqa da týystaryna, balanyń otbasy múshelerine (Eńbek kodeksiniń 185-baby) beriledi.