Belarýs aýyl sharýashylyǵy tehnıkasynyń lızıngi barynsha tıimdi bola túsýde
«QazAgroQarjy» AQ aqparatyna sáıkes, qoldanystaǵy «Belarýsta jasalǵan» baǵdarlamasy aıasynda Belarýs Respýblıkasynyń Úkimeti óz elinde óndirilgen aýyl sharýashylyǵy tehnıkasy men jabdyqtyń qarjy lızıngi sharttary boıynsha syıaqy mólsherlemesiniń bir bóligin óteıdi. Lızıngtik tólemderdiń ótemaqy mólsheri Qazaqstan Respýblıkasynda belgilengen qaıta qarjylandyrý mólsherlemesiniń 2/3 bóligin quraıdy.
2017 jylǵy 1 sáýirden bastap resmı qaıta qarjylandyrý mólsherlemesiniń kólemi 11 paıyzdy quraıtyn bazalyq mólsherlemeniń mánine teńestirilgenin eskeretin bolsaq, qazaqstandyq agrarshylar úshin Belarýs Respýblıkasy Úkimetiniń sýbsıdııalaýy 7,33 paıyzdy quraıtyn bolady. Buryn ótemaqysy 3,67 paıyzdy quraǵan edi.
Esterińizge sala keteıik, ótken jyldyń sońynan bastap, «QazAgroQarjy» AQ syıaqy mólsherlemesin jyldyq 19 paıyzdan 17,3 paıyzǵa deıin tómendetken. Sóıtip, «Belarýsta jasalǵan» baǵdarlamasy boıynsha tutynýshylar úshin túpkilikti mólsherleme shamamen 10 paıyzdy qurady.
«Belarýsta jasalǵan» baǵdarlamasy «QazAgro» UBH» AQ qurylymyndaǵy kompanııa - «QazAgroQarjy» AQ men Belarýs Respýblıkasy Úkimeti arasynda jasalǵan sharttyń aıasynda iske qosylǵan. Lızıng merzimi bes jyldan aspaıdy. Lızıng boıynsha syıaqy men negizgi borysh toqsan saıynǵy negizde tólenedi.