Belarýs, Armenııa, Qazaqstan jáne Qyrǵyzstanǵa elektromobılderdi baj salyǵynsyz kirgizý múmkindigi uzartyldy

<p>Eýrazııa ekonomıkalyq komıssııanyń keńesi EAEO-nyń tórt eline kirgiziletin elektromobılderdi kedendik baj salyǵynan bosatý túrindegi tarıftik jeńildikti 2025 jyldyń 31 jeltoqsanyna deıin uzartý týraly sheshim qabyldady. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://www.belta.by/economics/view/prodlena-vozmozhnost-besposhlinnogo-vvoza-elektromobilej-v-belarus-armeniju-kazahstan-i-kyrgyzstan-601536-2023/" target="_blank" rel="noopener">BELTA</a> aqparat agenttigine silteme jasap habarlaıdy.&nbsp;</p>

«Kedendik baj salyǵyn tóleýden tek Belarýs Respýblıkasynda, Armenııa Respýblıkasynda, Qazaqstan Respýblıkasy men Qyrǵyz Respýblıkasynda turaqty turatyn azamattar ǵana bosatylady. Bul rette elektromobılderdi Reseı Federatsııasynyń azamattyǵy bar jáne (nemese) turaqty turyp júrgen azamattar ıeligine berý, paıdalaný nemese olarǵa bılik etý quqyǵyn berýge ruqsat etilmeıdi», - dep túsindirdi EEK-tan.

«Tarıftik jeńildikterdi qoldaný merzimin uzartý elektr kólikterine suranysty yntalandyrýǵa, olardy óndirýge jáne zarıadtaý stantsııalary jelisin damytýǵa baǵyttalǵan basqa sharalarmen birge mundaı kólikterdiń keń taralýyna yqpal etedi dep kútilýde», - dep túsindirdi sheshimdi EEK Saýda jónindegi Alqa múshesi (mınıstr) Andreı Slepnev.

Qazirgi ýaqytta elektromobılderge EAEO biryńǵaı kedendik tarıfiniń ımporttyq kedendik baj salyǵy stavkasy kedendik qunnyń 15 paıyzyna teń.

Burynǵy sheshimderge sáıkes, EAEO elderine 2023 jylǵy 31 jeltoqsanǵa deıingi merzimge shekteýli mólsherde ákelinetin elektromobılder úshin kedendik baj salyǵynan bosatý túrindegi tarıftik jeńildik usynyldy.