Belarýs 73 eldiń azamattaryn vızasyz kirgizip, koronavırýsqa qarsy egedi

MINSK. BELTA – QazAqparat – 2021 jyldyń 15 shildesinen bastap 73 eldiń azamattary koronavırýs ınfektsııasyna qarsy vaktsına saldyrý úshin 5 táýlik merzimge Belarýs Respýblıkasyna vızasyz kire alady, dep habarlaıdy QazAqparat BELTA-ǵa silteme jasap.

«Bul, 1 shilde kúni Belarýs prezıdenti Aleksandr Lýkashenko qol qoıǵan №251 jarlyqta aıtylǵan», - dep málim etti prezıdenttiń baspasóz qyzmetinen.

Shetel azamattaryn COVID-19-ǵa qarsy egý eldiń Densaýlyq saqtaý mınıstrligi belgilegen medıtsına mekemelerinde júrgizý josparlanǵan.

Mınıstrler keńesi sheteldikterdiń vaktsınatsııaǵa ótinimderin jınaý, óńdeý jáne esepke alý úshin aqparattyq júıe qyzmetiniń tártibin jáne osy azamattardyń Belarýsqa kelý erejesin bekitti.

Vaktsınalaýdy ótkizý jónindegi bekitilgen ereje (aqparattyq júıede ótinimderdi jınaý jáne óńdeý, qyzmet kórsetý jáne vaktsınatsııa týraly sertıfıkat toltyrý) barlyq shet el memleketteriniń azamattaryna, sonyń ishinde ózge negizder boıynsha Belarýsqa vızasyz kelýge quqyǵy bar azamattarǵa taratylady.

Buǵan deıin Belarýs 2021 jyldyń sońyna deıin óz vaktsınasyn óndiretini habarlanǵan bolatyn.