Belal Mýhammad jaraqatyna baılanysty UFC 310 týrnırine qatysa almaıdy

<p>ASTANA. KAZINFORM &ndash; Orta salmaqtaǵy UFC chempıony Belal Mýhammad (24-3) jaraqatyna baılanysty qazaqstandyq faıter Shavkat Rahmonovpen (18-0) jekpe-jek ótkizbeıtin boldy.&nbsp;</p>

Amerıkalyq sportshy Instagram-daǵy paraqshasynda 6 apta sharshy alańǵa shyǵa almaıtynyn jarııalady. 

– Meniń aıaǵymnan súıek ınfektsııasy paıda boldy. Kelesi 6 apta boıy fızıkalyq belsendiliksiz bilegimnen antıbıotıkter salýǵa týra keldi. Allanyń jospary - eń jaqsy jospar. Meni kórý úshin kelgenderdiń barlyǵynan keshirim suraımyn. Jaqynda oralamyn, ınshAlla, - dep jazdy ol. 

Buǵan deıin habarlaǵanymyzdaı, ıtalııalyq jýrnalıst Al Zullino áleýmettik jelide birneshe derekkóz Belal Mýhammadtyń qazaqstandyq Shavkat Rahmonovqa qarsy tıtýldyq jekpe-jekke shyǵa almaıtynyn rastaǵanyn, sondaı-aq Shavkatqa basqa qarsylas qarastyryp jatqanyn atap ótti. 

Aıta keterligi, Shavkat-Belal aıqasy 7 jeltoqsan kúni AQSh-tyń Las-Vegas qalasynda UFC-310 týrnırinde ótedi dep josparlanǵan.