Belgııada júrgen qazaqstandyqtar qalaı daýys berdi

BRıÝSSELЬ. QazAqparat - Brıýsselde Qazaqstan Respýblıkasyndaǵy saılaý týraly zańyna sáıkes, Qazaqstannyń Belgııadaǵy elshiliginde ashylǵan №241 saılaý ýchaskesinde jergilikti ýaqyt boıynsha saǵat 20.00-de daýys berý aıaqtaldy. Bul týraly «QazAqparat» HAA menshikti tilshisi habarlaıdy.

№241 saılaý ýchaskesi Belgııada jáne Lıýksembýrgte turatyn jáne ýaqytsha júrgen qazaqstandyq azamattardy kúni boıy qabyldady.

Saılaý komıssııasynyń ókilderi atap ótkendeı, daýys berýshiler ýchaske ashylǵan boıda kele bastaǵan. Búginde Belgııa men Lıýksembýrg aýmaǵynda Qazaqstannyń 200-ge jýyq azamaty bar.

Saılaý ýchaskesi komıssııasynyń tóraǵasy Erbolat Sembaev halyqtyń 71% daýys bergenin málim etti.

«Onymen qosa, keshe Brıýsselde Qazaqstan men Belgııa quramalary arasynda fýtboldan match ótti. Belgııada júrgen jankúıerler ózderiniń konstıtýtsııalyq quqyqtaryn paıdalanýdy sheshken», - dep qosty ol.

Alǵashqylardyń biri bolyp daýys bergenderge estelik syılyqtar tapsyryldy. Aıta keteıik, saılaýda stýdentter erekshe belsendilik tanytty.

«Barlyq áleýmettik jelilerde jáne elshiliktiń saıtynda 9 maýsym kúni Qazaqstan Prezıdentin kezekten tys saılaý ótetini jóninde habarlandyrý jasaldy. Osydan keıin Belgııa men Lıýksembýrgte turyp jatqan azamattar ǵana emes, Belgııaǵa sapar shegýdi josparlap otyrǵandar da habarlasa bastady. Olardyń barlyǵy Qazaqstannyń Brıýsseldegi elshiliginde ornalasqan ýchaskede daýys berýdi qalady», - deıdi ol.

Onyń aıtýynsha, saılaý zańnamasyn buzý jaǵdaılary anyqtalǵan joq. Bıýlletender sanalǵannan keıin daýys nátıjeleri kórsetilgen tıisti qujattar avıaposhtamen Ortalyq saılaý komıssııasyna jóneltiledi.