Belgııada jalaqyny kóterýdi talap etken kásipodaqtar jappaı ereýilge shyqty

BRıÝSSELЬ. QazAqparat – Belgııada memlekettik sektordyń sotsıalıstik, hrıstıandyq jáne lıberaldyq sektor kásipodaqtarynyń músheleri 31 mamyrda tún ortasynan bastap 24 saǵattyq ereýilge shyqty, dep habarlaıdy QazAqparattyń Belgııadaǵy menshikti tilshisi.

Narazylyq sharasy eldegi qoǵamdyq kólikter qozǵalysyna úlken áser etti. Osylaısha, STIB ulttyq temirjol operatory turaqty poıyzdardyń tek 25 paıyzy ǵana keste boıynsha júretinin habarlady. Seısenbi kúni tańerteń jáne keshki ýaqytta oryndalatyn kóptegen reıster toqtatylady. Lej, Lıýksembýrg jáne Namıýr provıntsııalarynda poıyzdar kúni boıy júrmeıdi.

Tasymaldaý kompanııalary jolaýshylarǵa múmkindiginshe «úıden jumys isteýge» nemese qoǵamdyq kólikke balama izdeýge keńes berdi. Belgııada poıyz qozǵalysy sársenbi, 1 maýsym kúni tańerteń qalpyna keledi.

Jumysshylar kóshege shyǵyp, jalaqyny kóbeıtýdi, áleýmettik dıalogty qurmetteýdi, memlekettik sektorǵa ınvestıtsııa salýdy jáne zeınetaqyny kóterýdi talap etpek. Narazylyq sharasyna Belgııanyń televıdenıe qyzmetkerleri de qosylady. Bul jaǵdaı eldegi radıo jáne teledıdar habarlarynyń sapasyna keri áser etýi múmkin dep kútilýde.

Sonymen qatar, ereýilge kommýnaldyq qyzmet qyzmetkerleri de qatysatynyn málimdedi.