Belgııada vaktsınatsııa qarqyn aldy: Bılik karantın talaptaryn jumsartty

BRıÝSSELЬ. QazAqparat – Belgııada saǵat 22:00-den 06:00-ge deıin belgilengen federaldy komendanttyq saǵat toqtatyldy, dep habarlaıdy «QazAqparat» HAA menshikti tilshisi.

Belgııa turǵyndarynyń júrip-turýyn shekteý sharalary 2020 jylǵy qazan aıynda koronavırýs pandemııasynyń «ekinshi tolqyny» kezeńinde engizilgen bolatyn.

Belgııada vaktsınatsııa qarqyny artýyna baılanysty el bıligi karantın sharalaryn birtindep jumsartady.

Flandrııa men Vallonııada azamattardyń júrip-turýyna qoıylǵan shekteý sharasy 7 mamyrda tún ortasynda, ıaǵnı bir táýlikke erte aıaqtaldy. El astanasy Brıýssel aımaǵyndaǵy komendanttyq saǵat 8 mamyrda bitedi.

Sondaı-aq, Belgııa astanasynda keshki saǵat 22:00-den tańǵy saǵat 05:00-ge deıin ishimdik ishýge tyıym salynady. Alaıda 8 mamyrdan bastap jergilikti kafeler men meıramhanalardaǵy «jazǵy terrasalardyń» jumysyna ruqsat etildi. Olar kelýshilerdi tek ashyq aýada qabyldaı alady.

Avtor: Arnur Rahymbekov