Belgııada sheteldik stýdentter narazylyqqa shyqty

BRıÝSSELЬ. QazAqparat – Belgııa astanasynda Mons, Lej, Namıýr jáne Brıýssel ýnıversıtetiniń 200-den astam stýdenti narazylyqqa shyqty, dep habarlaıdy QazAqparat menshikti tilshisi.

Narazylyq aktsııasyn uıymdastyrǵan Frantsýztildi stýdentter federatsııasynyń (FEF) málimetinshe, jastar ýnıversıtetterdiń sheteldik stýdentterdiń kepilgerleriniń tabysyna qoıylatyn talaptaryn kóterýge qarsy.
Manıfestatsııa qatysýshylary Soltústik vokzalda jınalyp, Sheteldikter isi basqarmasynyń ǵımaratyna baǵyt aldy, keıin Joǵary bilim mınıstri Valerı Glatınıdiń keńsesine kepilgerlerge qoıylatyn jańa somany qaraýdy talap etip bardy.
Belgııa zańnamasyna sáıkes, ár stýdent joǵary bilim alý úshin Eýropalyq Odaqtan tys «kepilgeri» bolýy tıis.
2023-2024 oqý jylynda sheteldik stýdentterdiń kepilgerlerine qoıylatyn talaptar artty. Tólem mólsheri aıyna 2758 eýro deńgeıinde belgilendi, bul áleýmettik ıntegratsııadan túsken kiristiń 120% sáıkes keledi (buǵan deıin 100%), sondaı-aq úshinshi eldiń árbir azamaty úshin 789 eýrony quraıdy.
FEF stýdentter federatsııasynyń baǵalaýy boıynsha, bul soma stýdentter úshin qoljetimsiz. Eger kepilger tabylmasa, keıbir stýdentter turýǵa ruqsatynan aıyrylyp, elden ketýge májbúr bolady, al basqalary keıde jalǵan demeýshilermen alaıaqtyq jasaýǵa májbúr.
«Emtıhandar jaqyndaǵan kezde bul stýdentter osy máselemen bas qatyryp, oqýǵa daıyndala almaı júr», - dep túsindirdi FEF prezıdenti Emıla Hodjaı.