Belgııada koronavırýstyń eki shtamyn birden juqtyrǵan 90 jastaǵy áıel kóz jumdy

NUR-SULTAN. QazAqparat - Qazaqstanda koronavırýstyń taralýyna qarsy vedomstvoaralyq komıssııa álemdegi epıdemıologııalyq jaǵdaıǵa sholý jasady, dep habarlaıdy QazAqparat.

Belgııada 90 jastaǵy áıel adam COVID-19 vırýsynyń Brıtandyq jáne Ońtústik Afrıkalyq eki shtamyn juqtyrǵannan keıin qaıtys boldy.

Bastapqyda naýqastaǵy otteginiń deńgeıi jaqsy boldy, degenmen jaǵdaıy tez arada nasharlaı tústi.

Ol koronavırýs ınfektsııasyna qarsy vaktsına almaǵan.

Taılandta koronavırýsqa qarsy Sinovac preparatynyń eki dozasymen vaktsınalanǵan medbıke COVID-19 juqtyryp, qaıtys boldy.

Endi budan bylaı ekpe saldyrǵan dárigerlerdi «delta shtamyna» baılanysty basqa vaktsınanyń úshinshi dozasymen qosymsha ımmýndaý usynyldy.

Vetnamda bir kúnde koronavırýs juqtyrǵandar sany boıynsha antırekord tirkeldi -1 953 jaǵdaı.