Belgııada kezekti ret lokdaýn engiziledi

BRıÝSSELЬ. QazAqparat – Búgin Belgııa úkimeti janyndaǵy koronavırýs pandemııasymen kúres jónindegi konsýltatıvti komıtettiń kezekti otyrysy ótti, dep habarlaıdy «QazAqparat» HAA tilshisi.

Belgııa Premer-Mınıstri Aleksandr De Kroo málim etkendeı, el úkimeti «pashalyq úzilis» jarııalaıdy. ıAǵnı aldaǵy tórt aptada, sonyń ishinde hrıstıandyq mereke kúnderi karantın talaptary kúsheıtiledi.

«Sońǵy kúnderi vırýs bizdi jerge qaıtardy. Bul – saıasatkerler, sarapshylar jáne barshamyz úshin boısuný sabaǵy», - dedi el premer-mınıstri.

Belgııada koronavırýs juqtyrǵandar men aýrýhanaǵa jatqyzylǵandar statıstıkasy kóńil kónshiterlik emes.

«Biz indetti birneshe aı boıy ustap tura aldyq. Bul – úshinshi tolqyndy da eńsere alamyz», - dedi De Kroo.

El úkimeti halyqty vaktsınalaýdan keıin ahýal jaqsaratynyna úmitti. De Kroonyń aıtýynsha, mamyr aıynyń sońynda 65 jastan asqan tulǵalar men qaýip tobyndaǵy naýqastardyń barlyǵy vaktsınanyń birinshi preparatyn alýy tıis.

Elde kezekti lokdaýn 27 naýryzdan bastap engiziledi. Belgııada saǵat 22.00 – 06.00 aralyǵynda komendattyq saǵat óz kúshinde qalady.

Sondaı-aq memleket turǵyndarynyń shetelge «mańyzdy emes saparlaryna» shekteý bar. Shekaralarda kúsheıtilgen baqylaý júrgizilýde.

Baılanysqa túsýmen júrgiziletin mamandyqtardyń jumysy ýaqytsha toqtatylady. Mekemelerdiń deninde onlaın jumys rejımi saqtalady.