Belgııada ınternet quny 4,7 paıyzǵa kóteriledi

BRıÝSSELЬ. QazAqparat – Telenet iri telekommýnıkatsııalyq kompanııasy bıylǵy 19 maýsymnan bastap ınternet, sandyq teledıdar jáne telefon qyzmetteriniń baǵasyn 4,7%-ǵa kóteredi, dep habarlaıdy QazAqparat menshikti tilshisi.

«Biz jalaqy tóleý, energııa shyǵyndaryna jáne tehnologııalyq jabdyqtyń qunyna áser etetin joǵary ınflıatsııa nátıjesinde baǵamyzdy ózgertýge májbúrmiz», - delingen kompanııanyń habarlamasynda.

Buryn belgııalyq Telenet operatory alkogol, temeki jáne t.b. baǵasynyń ósýin esepke almaıtyn bólshek saýdadaǵy baǵanyń ındeksine sáıkes baǵany kótergen bolatyn. Bul kórsetkish 4,7%-dan asty. Biraq kompanııa óz naryǵyndaǵy sharttardy da qabyldaǵanyn málimdedi.

VRT telekompanııasynyń málimetteri boıynsha jeke tulǵalar úshin bir jazylymnyń quny 66-dan 69,1 eýroǵa deıin kóteriledi. Osy operatordan ınternetke tolyq qoljetimdilik endi 57,68 eýro turady.

Telenet básekelesteri Proximus jáne Orange kompanııalary da baǵanyń kóterilgenin jarııalady.